حبِّينه شَخْصَك يا أبوالأكبر
يلِّي اوْرَثِتْ طه النبي وحيدر
تهتفْ لَكْ اقلوب
انته الْنا محبوب
يلِّي اوْرَثِتْ طه النبي وحيدر
= = = =
جيت ابمسـرّةْ خَاطـري وعهْـد المودّه
وانته اللّي يـﮕـصد حضرتك ماظن تردّه
وكْت الوصِـلْ يبـْن النبي بالحُـبْ أعدّه
وانا الأحِـبّك سـيّدي وشخصـك أودّه
جيت ابغرامي وﭼـدْمي تتعثّر
يلِّي اوْرَثِتْ طه النبي وحيدر
وانا اعلى ذكـراك
جيت احـﭽـي ويّاك
يلِّي اوْرَثِتْ طه النبي وحيدر
= = = =
احنا الْسمعنا عن عشـق قيس اوْيه لِيـله
واصبـح مَثَلْ بِين المـلا ومَـحّد مثيـله
وكل واحد الحَبّك صـدق يهتف دليـله
حُبّـك أعزْ يـبْن النـبي وانته الوسيـله
حُبّك سند للشيعه بالمحشَـر
يلِّي اوْرَثِتْ طه النبي وحيدر
وانّادي يحسـين
ابحبّك مـجَانين
يلِّي اوْرَثِتْ طه النبي وحيدر
= = = =
وانا اللّي لـمْت الشّاكري ابحُبّـك يبُوالجود
بالحومه جَنّ وهالأجلْ أصبحْ لَه مـﮕـصود
لاﭼـنّي حين اللي ذﮔـت عشقك يبُوالزود
أقْبَـل أمُـوتن عالعشـق يا سيّـدي اردود
لِعْيُونك أرضى بالعشق انْذَر
يلِّي اوْرَثِتْ طه النبي وحيدر
هَمْ روحي تفداك
واحْيا اعلى طَرْواك
يلِّي اوْرَثِتْ طه النبي وحيدر
= = = =
هيبـةْ مُحمّد كحّـلَت عيـنك يمهـيوب
مِتْـﮕـمّط ابثُوب العُلا ويحْـلالك الثُّوب
مُو عَجْبه ﮔـلبي اللّي يحب لُو شافك ايذوب
وعهْـد المودّه ابمهجـتي يالْوالي مكتـوب
كِلْمَنْ يشُوفك بالعشق يسْكر
يلِّي اوْرَثِتْ طه النبي وحيدر
مِنْ اكتب اشْعار
بيك انا احْـتار
يلِّي اوْرَثِتْ طه النبي وحيدر
= = = =
نورك جـذبنا امْـن البُعد حِيـن الولاده
واحنا الإجيـنه وكل فَـرِد بيّـن وداده
شفْنا ابمِهَـادك تنرسـم صُـورةْ شَـهاده
وانولْـدت اوْيـاك ابمهَـدْ رُوح الإراده
انته العظيم اعلى الملا اتصدّر
يلِّي اوْرَثِتْ طه النبي وحيدر
لُو عالملا انطوف
ما مثلك انشوف
يلِّي اوْرَثِتْ طه النبي وحيدر
= = = =
ـــــــــــــ
لخادم الإمام الحسين (ع) :ناصر الوسمي